>
Поиск по сайту
Искать
Анонс мероприятий
Наши партнеры
II ЕВРОПЕЙСКИЕ ИГРЫ

2018 Speed Skating

FISU University sports

European University Sports Association

 ISF World Schools Championships

Winter Universiade in 2019

Winter Universiade in 2019

Вернуться в: На главную    Новости    Торжественная церемония открытия Республиканской спартакиады школьников - 2018 состоялась в городе Минске
 

16.06.2018

Торжественная церемония открытия Республиканской спартакиады школьников - 2018 состоялась в городе Минске

 Урачыстае адкрыццё фінальнага этапу Рэспубліканскай спартакіяды школьнікаў адбылося 15 чэрвеня на лёгкаатлетычным манежы БДУФК. Спаборніцтвы па 19 відах спорту праграмы летніх Алімпійскіх гульняў, а таксама па шахматах і шашках пройдуць у сталіцы. 
У сталіцы сабраліся лепшыя: з 250 тысяч удзельнікаў першага этапу да фіналу дайшлі толькі 2,5 тысячы спартсменаў. Сваё права абараняць гонар рэгіёну яны заваявалі на гарадскіх, раённых і абласных спаборніцтвах.
– Сардэчна вітаю ўсіх на адкрыцці самых прэстыжных спаборніцтваў сярод школьнікаў нашай краіны! – падкрэсліў значнасць спартакіяды міністр адукацыі Ігар Васільевіч Карпенка. – У Год малой радзімы кожны з вас мае магчымасць праславіць сваю вёску, горад, раён, вобласць сваімі спартыўнымі поспехамі!
Міністр падкрэсліў, што перад удзельнікамі спаборніцтваў адкрываюцца вялікія перспектывы: яны не толькі пакажуць вынікі сваіх трэніровак, але і пабачаць сталіцу, выступяць на лепшых спартыўных пляцоўках краіны, знойдуць сяброў. А гэта цудоўная матывацыя, таму імёны гэтых юных спартсменаў мы, хутчэй за ўсё, пачуем яшчэ не раз.
– Магу толькі пазайздросціць спартсменам нашай краіны, маладому пакаленню, у якога ёсць магчымасць займацца ў такіх умовах, – працягнуў цырымонію міністр спорту і турызму Сяргей Міхайлавіч Кавальчук. – Наша краіна надае вялікую ўвагу спорту на ўсіх узроўнях, асабліва – школьнаму спорту.
Сапраўды фінальныя старты будуць праходзіць на сучасных стадыёнах і лепшых спартыўных базах Мінска, Заслаўля, Барысава – усяго 14 пляцовак прымуць спартсменаў пад сваім дахам.
На адкрыцці спартакіяды адбылося і ўрачыстае ганараванне прызёраў Сусветнай летняй гімназіяды, якія былі ўзнагароджаны падзякамі і каштоўнымі прызамі. Не пакінулі без увагі і іх трэнераў. А ўдзельнікі спартакіяды атрымалі сувеніры ад Мінгарвыканкама з рук начальніка ўпраўлення спорту і турызму Сяргея Аляксандравіча Фурманава. 
Перад тым, як удзельнікі спаборніцтваў запусцілі ў неба паветраныя шарыкі, карысныя настаўленні даў і галава судзейскай калегіі спартакіяды, чэмпіён свету, прызёр Алімпійскіх гульняў, заслужаны майстар спорту Беларусі, старшыня Беларускай федэрацыі лёгкай атлетыкі і дэпутат Палаты прадстаўнікоў Нацыянальнага сходу Рэспублікі Беларусь Вадзім Анатольевіч Дзевятоўскі: 
– Жадаю атрымаць максімальнае задавальненне ад барацьбы. Не трэба хвалявацца, трэба рабіць тое, чаму вас вучылі трэнеры. І няхай пераможа самы моцны!
І школьнікі, і іх настаўнікі добра разумеюць, што такія спаборніцтвы вызначаюць далейшы шлях юнакоў: ад вынікаў залежыць, абяруць вучні спорт у якасці сваёй прафесіі ці застануцца на аматарскім узроўні. 
Абсалютны пераможца – рэгіён, які набярэ найбольшую колькасць балаў у камандным заліку – будзе вызначаны 25 чэрвеня.

Официальные сайты
prezidzent.gov

sport-club.by

www.government.by/

minedu.unidel.by/

www.mst.by

www.noc.by

Национальный правовой Интернет-портал Республики Беларусь

Белорусская ассоциация студенческого спорта

Минский полумарафон

ГФОК

Наши спонсоры
This is a test link. Mainlink.ru